Svalbaunablogg

2003-09-23T21:16:00.000Z

Jæja...biðst afsökunar á að vera bras-baun en er komin með betri bloggsíðu þar sem þið getið tjáð ykkur að vild bumburnar mínar NÝJA FÍNA BLOGGIÐ.. KOMIÐ OG LEIKIÐ VIÐ MIG JÁTAKK!!!

2003-09-23T14:28:00.000Z

Jæja..nú er ég alveg hreinlega að gefast upp á pentagon blogginu...Hefur ekki virkað á 3.viku og það gengur ekki með mitt málæði svo ég mun blogga hér tímabundið... Hef ekki enn fattað hvernig þið sendið inn skoðanir en ég lofa að bæta úr því sem allra fyrst.. Vona reyndar að hitt bloggið komist í gagnið því þið vitið ekkert öll af þessu bloggi og eruð jafnvel bara ekkert að lesa þetta og ég er bara að skrifa fyrir sjálfa mig... Sem er svosumm allt í lagi því ég hef svooo gaman af mér....

Nú er ég auðvitað búin að gleyma langflestu sem á daga mína hefur drifið þessar vikur síðan bloggið dó. (Guð blessi bloggið). Ég var fyrstu vinnuhelgina mína þarsíðustu helgi og það var alveg fín.. Svolítið erfitt en bara gaman samt! Kom risastór kellingahópur og leigði herbergin uppá lofti á Súfistanum og keyptu sér allar kaffi og kökur svo ég lærði hratt þessa helgi og það var brjálað að gera.... Núna um helgina fór ég til Gunnsu systur í Skagafjörðinn og þyngdist um kíló. Ingþór fór austur á gæs (aðra en mig) fyrir helgi og ég var ein heima og þurfti að fara með strætó í skólann á föstudaginn og í gær. Sem er ekki gott því það er alltaf einhver sem lyktar illa í strætó og þarf maður að bíða í köldu strætóskýli með skrýtnu fólki og er feiminn og myglaður á almannafæri.... Vaknaði 06:30 á föstudagsmorgunninn og tók strætó 06:47. Var mætt í skólann 07:20 og hafði því misreiknað mig um einar 40 mínútur... Bætti mér það upp með að rölta í bakaríið og éta soldið áður en skólinn byrjaði. Svo á föstudaginn fór ég með Gunnsu systur keyrandi til Warmhill í Skagarfirði. Guðný var hérna að vinna í bænum svo ég bumbaðist bara með henni norður og átti þar rólega og góða óveðurshelgi og borðaði afskaplega góðan mat sem Guðný eldaði handa mér...MMmmm nammigott... Svo bakaði hún handa mér pönnsur á sunnudeginum og ég gerði bragðlaust kakó og síðan borðuðum við kvöldmat og ég fór spikfeit heim í rútunni rúmlega sex og var komin heim rúmlega 11 um kvöldið ennþá spikfeit..bomm... Svenni minn indæli frændi og Hrönn ... líka indæla.... komu og sóttu mig á BSÍ og kurrðu mig heim til mín!

Í gær kom svo Ingþór heim og ég varð fyrir eldingu og pantaði okkur flug til Danmerkur... Förum 22.okt og komum heim 26. JIBBÍJIBBÍJIBBÍ!!! Fáum gistingu hjá frk.Danaveldi Elvu vinkonu og ætlum að labba um allt og borða og versla og borða soldið meira... Því miður verður búið að loka tívolí en vonandi ekki Kristjaníu svo maður geti nú farið og heilsað uppá gamla vini...

Er í skólanum og hef mun meira að segja en læt þetta nægja að sinni og bið ykkur (þá fáu sem kíkja hingað) vel að lifa og ekki gefast upp á blogginu mínu þótt það hafi verið í messi í smá tíma

GBYMÍH

Svalbaunin

2002-12-23T09:47:00.000Z

Er komin með nýtt og betra BLOGG....

2002-12-23T09:19:00.000Z

Jæja...Þá er skötudagurinn mikli kominn...Þið vitið hvað mér finnst um skötu....Held ég fái mér bara banana og skyr í hádeginu. Er búin að borða óhollt síðan það fór að renna upp fyrir mér að jólin væru að koma og ég ekki komin á neitt átskrið að ráði.... Eygló og Óli, til hamingju með útskriftirnar og góðar einkunnir, þið eruð óvitlausari en ætla mætti! Eftir vinnu ætla ég að keyra út jólakortum og nokkrum pökkum...Svo ætla ég bara heim að klára að þrífa og éta Nóa konfekt sem við keyptum í mikilli verslunarferð er við fórum í Hagkaup í gær. Eyddum jólagjöfinni frá Heklu, sem var 15 000 kr.inneign, þar og reyndist það ansi létt verk. Eigum núna fulla skápa af ávöxtum, snakki, ís, konfekti og austurlenskum sósum !!! Ég fitnaði um 5 kíló bara við að raða þessu inn í skápana úff! Svo tókum við bara til og horfðum á sjónvarpið í gærkveldi. Óskabörn þjóðarinnar er lélegasta og leiðinlegasta mynd sem ég hef séð....Ef það hefði ekki verið svona mikið konfekt á stofuborðinu hefði ég hugsanlega farið inn í herbergi að lesa....En maður á víst ekkert að reyna og mikið á sig fyrir jólin !!!! Svo á laugardaginn fór ég út með vinkonum mínum á kaffihús og endaði kvöldið í bjórdrykkju og Subway áti....Elva mín komin heim frá Danmörku til að leika við mig...Við fórum svo einmitt saman á Coldplay tónleikana á fimmtudaginn...Sáum ekki Gwyneth Palthrow! En annars bara GLEÐINLEGAN SKÖTUDAG ! Og munið: hún bragðast eins og hún lyktar, Lifið heil !

2002-12-20T13:08:00.000Z

Skáld dagsins er faðir minn hann Jóhann sem lýsti veðrinu í morgun svona:

Hárauður er himininn
harla lágt er sólin.
Perlan ber í bakgrunninn.
Bráðum koma jólin.

2002-12-19T14:00:00.000Z

Jeijei...búin að öllu...kláraði að kaupa Bora gjöf í gær....jibbí !!! Hann verður sko glaður..Hann hefur svo gaman af golfi!! En já..smá útskýring á Bora nafninu hérna...Það var þannig að við vorum búsett Danmörku og fengum reikninga frá símanum þar..Og við höfðum skráð okkur gegnum síma og þurftum að stafa nöfnin okkar sem er mjög erfitt því allir sérhljóðarnir hljóma eins...Og Ingþór fékk reikning sem á stóð Ingbor Sigurdarson og ég fékk reikning sem á stóð Ælufúa Johannsdottir...GUÐI SÉ LOF AÐ ÆLUFÚU NAFNIÐ FESTIST EKKI VIÐ MIG...En Bori var ekki jafn heppinn..alltaf kallaður Bori reglulega. Kannski halda ókunnugir að hann bori bara svona mikið í nefið HEHEHHEHEHEH blessíbili

2002-12-16T13:42:00.000Z

P.P.S. Hlakka til að sjá Coca Cola auglýsinguna ...I´d like to buy the world a Coke fallallaalalaaa..Af hverju komu hrísgrjónaframleiðendur eins og Uncle Bens eða Tilda ekki fyrst með þessa hugmynd?...I´d like to buy the world some rice and keep it from starving, happy kids with chubby cheeks and no flies in their eyes...... Christmas greetings from Olivia Oger, marketing director !!!

2002-12-16T13:39:00.000Z

P.S. Skata er vond...Hver heilvita maður vill éta myglaðan slubbfisk sem hangir varla á beinunum og lyktar eins og sjórekinn hvalur á 10.degi ????????? sendir mér bara póst ef þið vitið svarið ! ritari@fron.is

2002-12-16T13:05:00.000Z

Jæja, búin að pakka öllum jólapökkunum! Er búin í bakinu eftir að hafa bograð yfir þessu hálfan daginn í gær. Svo bjuggum við til snilldar jólakort...Ekkert föndurvesen, bara allt í tölvu! Auðvelt og skemmtilegt...Svo var ég bara að þvælast í búðir og eyða visaseðlum. Á núna bara eftir að kaupa Ingþórs gjöf..Veit sosum ekki hvort ég gefi honum neitt...Hann á svo mikið strákurinn...Kannski gef ég honum bara kerti og spil, það er alltaf góð gjöf og klassísk!! Keyptum okkar forláta flísfatnað um helgina sem fellur vel að fagursköpuðum líkömum okkar í Regatta búðinni, sem er stórfín búð! Er ekki enn byrjuð að baka. Er í seinni kantinum með það þetta árið HAHHAHAHAHAHAHAH

2002-12-12T14:57:00.000Z

Og þarna var ég úti að skokka..í mestu makindum..í Skerjafirðinum mínum.... eða kannski frekar sveitt og þreytt og stynjandi....og beygi í sakleysi mínu inn Fáfnisnesið þar sem hann Dabbi Kóngur ríkir í hásæti sínu....Svo þegar ég er að skokka/lulla framhjá húsinu hans þá hrasa ég og dett á hausinn kylliflöt á jörðina....Fékk risa sár á hnéð, sjálfstæðissár....Ætli ég hafi rekist þarna á leynibyrgi Samfylkingar/Vinstri Grænna og það hefur verið njósnakíkir Steingríms Joðs sem hefur staðið uppúr jörðinni. Hann hefur þá eflaust verið að leita að einhverju til að vera á móti..Þyrfti að skella mér á pallana og athuga hann segi; ég er staðfastlega á móti því að offitu skokkarar fái að vera úti eftir klukkan 8 á kvöldin og skokka óáreittir framhjá óvinabúðum okkar!!!! Ég er allavega með svöðusár á hnénu og brotna sjálfsmynd eftir að hafa hrasað um þennan kíki og verð að segja að ég er staðfastlega á móti því að hleypa Vinstri Grænum inn í Skerjafjörðinn vitandi að þar er ríki Dabba Kóngs...sveiattan !!!

2002-12-11T12:52:00.000Z

Ekki enn byrjuð á jólapökkunum..Bara á einum kassa...Machintosh kassanum mínum sem er óðum að hverfa oní belginn á okkur Ingþór BOMMSARABOMM og við springum bráðum !!!

2002-12-09T15:06:00.000Z

Og þá eru jólagjafakaupin búin...Ásamt laununum mínum sem hurfu alveg rosalega hratt þessa helgina...Hmmm ætli það sé gat á veskinu mínu?? Verð að muna að gá að því. En þá er aðal brasið eftir og það er að pakka öllu dótinu inn....En því verður nú rumpað af á einni kvöldstund...Með jólaglögg í annarri og smákökur í hinni og pakkana í hrúgu útí horni...En jæja...Gerði ekkert annað um helgina en að kaupa gjafir svo ég hef frá litlu að segja. Ætla að fara að athuga með gatið á veskinu.....

2002-12-09T14:59:00.000Z

Ég man seinustu línuna í ljóðinu mínu.....

Á mér buldi feikna kuldi
meðan ég þessa vísu þuldi

Það vantar samt eitthvað smá þarna fyrir framan....

2002-12-05T13:57:00.000Z

Og af þessu tilefni vil ég minnast þess að árið 1990 (minnir mig) kom mynd eftir mig í ljóðabók barnanna en af einhverjum ástæðum kom ekki ljóðið sem ég samdi..Sem ég skil ekki því það var mjög vel ort miðað við mörg hinna illa ortu ömurlegu ljóðanna....En uppáhalds ljóðið mitt í þeirri bók var (já ég man það enn utanað) „Öll húsin í bænum standa, nema kaupfélagið, því það er farið á hausinn“ En mitt ljóð hljómaði svona og er tileinkað sundlaugarverðinum í Vesturbæjarlauginni, honum Ólafi.

KÁRI KALDUR KLAKA BER,
AUSTUR,VESTUR,NORÐUR FER,
UM FJÖLL,DALI,TÚN OG FLÓA,
KÁRI Í FROSTIÐ FER AÐ HÓA......
svo man ég ekki meira..bara að það var líka snilld....

2002-12-05T13:42:00.000Z

Og orð dagsins á hann Ólafur sundlaugarvörður í Vesturbæjarlaug þar sem þakið var við það að fjúka í óveðrinu.... (birt algerlega í leyfisleysi af mbl.is ) Aðspurður hvers vegna þakið færi af með þessum hætti svaraði Ólafur: „Það er hann Kári, Kári vindur, hann náði sér einhvern veginn undir klæðninguna og svipti henni af í einhverri hryðjunni. Já, hann er öflugur, sá gamli."

2002-12-04T21:22:00.000Z

Það eru allir að spyrja mig hvað ég vilji í jólagjöf...Agalega er þetta erfitt. Sérstaklega þegar maður á mikið dót...En annars held ég að ég sé frekar auðveld gjafapersóna..Mér finnst nebbnilega ódýrt glingur mjög flott og verð himinlifandi á að fá bara einn sokk eða eyrnaskjól. Ég átti einusinni eyrnaskjól sem voru pandabirnir...Og svo átti ég rauð eyrnaskjól sem ég lánaði Möggu og hún týndi þeim...ÉG HEF EKKI ENN FYRIRGEFIÐ HENNI ÞAÐ!!! Annars vil ég benda öllum þeim sem lesa þetta blogg á Hagkaup. Þar er verið að selja eldhúsdót, bæði úr tré og krómað..Eða svona silfur...eitthvað...Sem er óendanlega flott og mjög ódýrt.Skálar, brauðbretti og allskyns dót..Sko þarna eruð þið komin með gjafir fyrir mömmu ykkar og pabba og alla vinina..Kannski ætti ég að skýra bloggið mitt Innblogg Útblogg?...GUÐ BLESSI YKKUR ÖLL (þau 2 ykkar sem trúa á Guð og lesa þetta blogg)

2002-12-03T16:59:00.000Z

Má ég benda þeim sem eru að reyna að komast í kjólinn fyrir jólin á að> KAUPA SÉR STÆRRI KJÓL !!!

2002-12-03T16:24:00.000Z

Ótrúlegt hvað einn maður getur bloggað mikið um perur.....Ég á tvö fimm arma aðventuljós....Samt eru sjö arma mun algengari......Hef ég heyrt.....Ég er farin að hlakka til jólanna...Mig langar austur, ekki Ingþór...Hvað get ég gert í því??? NÚ BARIÐ HANN TIL HLÝÐNI.... Er að hugsa um að senda handrukkara á hann..Hef heyrt að það virki vel..Ætla að prófa það....

2002-12-02T09:04:00.000Z

Nú er íbúðin mín öll skreytt og óendanlega krúttileg....Ég ólst nú upp við það að það var aldrei skreytt neitt heima fyrr en bara á Þorláksmessu og hef ákveðið að kasta þeirri hefð bara í ruslið og skreyta 1.des. Það er svooo gaman að hafa fallegar seríur og flott skraut og íbúðin er svo flott....Og ég man hvað ég hneykslaðist á Halldóru vinkonu minni og hennar fjölskyldu þegar þau voru búin að skreyta svona snemma..FYRIRGEFÐU HALLDÓRA MÍN !!!! Svo fór ég og keypti nokkrar jólagjafir og fór út að borða á Ítalíu með Ingþóri á 6 ára kærustuparaammælinu okkar í gær! Mjög huggulegt.....mmmm svo borðaði ég nammi báða dagana (þó ég eigi bara 1 nammidag í viku) og glápti á DVD og tók ýkt vel til...skúraði og allt.....Annars á maður ekkert að vera að taka til heima hjá sér...þá sér maður bara hvað það er skítugt!! Borgar sig engan veginn. Svo dreymdi mig að það hefði hrapað íslensk þota í leiguflugi einhversstaðar og ég var einmitt að fara að fljúga. HATA flugslysadrauma og köngulóardrauma. Hef dreymt jafn stóra könguló og var í Harry Potter..Nema það var góð lykt af henni og hún var vinkona Dúddu Lú.... En nóg í bili bless!

2002-11-28T16:02:00.000Z

JEIJEIJEI kaupsamningur dauðans er búinn!!! Loksins get ég sofnað án þess að gráta mig í svefn..loksins get ég andað léttar og hlaupið glöð um á ný loksins get ég borðað á ný !!!! (ok þeir sem vilja trúaa því að ég hætti að borða gessovell) Nú er ég að fara út á völl að ná í Gunnsu sys sem er að koma með flugi að austan...síðan ætla ég meða henni á salatbar Eika og þar ætla ég að éta yfir mig enn eina ferðina....

2002-11-28T09:32:00.000Z

Begga hún er gömul geit
Átti heima uppí sveeeit
Fer á sínum Skóda
Þorra til að blóta !!!

Lag og texti: Ólafía Sjóveika
samið fyrir þorrablót í Nesskóla 1991
breytt til heiðurs Berglindi Sveinbjörnsdóttur nóv 2002.

(eiginlega eins og þegar Elton breytti Candle in the
wind því hann nennti ekki að semja nýtt lag um
Díönu prinsessu...Alltaf hentugt að eiga góð lög
sem þetta á lager.....)

2002-11-25T15:19:00.000Z

JEI gestirnir loksins farnir!! Þau voru ekkert smá erfiðir gestir..Voru úti of lengi og voru með læti og sóðaskap...Eins gott að við rukkuðum þau fyrirfram 50 000 fyrir gistinguna, annars hefðum við ekki haft efni á því að laga skemmdirnar.... En ég er alveg búin eftir át og drykkju þessarar helgar...partý og matarboð og Harry Potter sem var hrein snilld eins og við mátt búast...Ég ætla samt ekki að fara neitt frekar útí partýsögur þar sem ég veit að aldraðir foreldrar mínir lesa bloggið mitt og fá hland fyrir hjartað ef ég segi þeim frá öllu tequila slamminu og fatapókernum...Myndi aldrei gera þeim það.....Svo fór ég í eina skírn sem skyndilega breyttist í brúðkaup öllum að óvörum og enginn var með pakka svo þau fengu ansi marga skyndiblómvendi í brúðkaupsgjöf.....GOTT Á ÞAU.....Svo var ég að klára afsal dauðans í dag mér til mikillar gleði og á morgun er kaupsamningur dauðans og þegar hann er búinn verð ég hamingjusamasti ritari á jarðríki....MMmmm kannski fyrir utan MoneyPenny sem umgengst svo sæta gæja í vinnunni..Umm hvað get ég sagt meira um gleði helgarinnar....Ekki neitt held ég bara...Ætli ég fari ekki bara heim og bjargi bumbulínu úr prísund sinni því hún læsti sig úti heima hjá sér og er sníkjudýr heima hjá mér núna..örugglega búin að tæma það litla sem var í ísskápnum og éta allt poppið ef ég þekki hana rétt....Vonandi fékk hún sér brauð...því það var farið að eldast ískyggilega hehehhehehe.......GUÐBLESSIYKKURÖLL

2002-11-22T09:47:00.000Z

Það er allt í lagi að nota HÁSTAFI.....Þá sýnir maður reiði,gleði og önnur skemmtilegheit...Það finnst samt ekki honum Óla Matvendnisbloggara...Þetta fer eitthvað fyrir brjóstið á honum EN ÉG KIPPI MÉR SKO EKKI UPP VIÐ ÞAÐ !!! hohohohohohohoho....Fór út að borða í boði Onkel Sven á Flatböku-kofann...Mmmmmm, át aldrei þessu vant yfir mig og er eiginlega ennþá södd....Að sjálfsögðu kom Ingþór með og svo Matvendnisbloggarinn og Frú, sem er Onkelina Eygló....MMmmmm flatbökur á Flatbökukofanum eru góðar og það lekur fita úr botninum á þeim...ÉG ER BÚIN AÐ VERA DUGLEG AÐ FARA Í RÆKTINA ÞESSA VIKU !!!!!

2002-11-21T15:24:00.000Z

Ég meina það...Fór inn í Mál og Menningu í gær og hvað er það fyrsta sem ég sé liggjandi á tilboðsborðinu þar???? KONUR MEÐ EINN Í ÚTVÍKKUN FÁ ENGA SAMÚÐ.....Ég endurskírði búlluna með það sama og heitir hún núna MÁL OG ÓMENNING....Fór samt lengra inn og keypti teikniblokkir og eyddi kvöldinu í að teikna bífurnar á Bryndísi..ég meina Bumbulínu systur...þær eru skakkar og það stendur undarlegt bein út úr þeim...Ég á sko að teikna bífur (tásslur og fót) á teikninámskeiðinu mínu...Það er mjög erfitt að teikna fætur samt...Ætla að æfa mig á löppunum á Svenna frænda sem er víst með einar þær hræðilegustu sem sögur fara af....Verst er að þá heldur teiknikennarinn minn að ég teikni svona rosalega illa og trúir mér ekki þegar ég segi henni að fjölskyldutærnar eru bara skakkar og skældar...Minnir mig á að fá að teikna tærnar á pabba þegar ég fer næst heim...Og beinið hennar mömmu...Annars kom Svenni frændi til mín í gærkveldi og ætlar að vera fram á sunnudag...Svo kemur Hrönn á föstudaginn og keppir í blaki og gistir hjá honum Svenna sínum...JIIIII hvað það er erfitt að vera með gesti..maður þarf að passa sig að vera sæmilega til fara og eiga mat í ísskápnum og það er hreint ekki svo auðvelt í svona langan tíma...En ég hlýt að meika það!! Verð nefnilega svo upptekin um helgina...innflutningspartý...matarboð...skírnarveisla og HARRY POTTER á sunnudaginn....Samt gott að hafa gesti að heiman..þá heyrir maður djúsí kjaftasögur ein og að Kalli Einars var keyrður í klessu af Skóda-keyrandi Eskfirðingi...ÞAÐ ÆTTI EKKI AÐ LEYFA ESKFIRÐINGUM AÐ TAKA BÍLPRÓF...ÞAÐ KEYRIR NEBBNILEGA ALDREI NEINN Á NORÐFIRÐI HRATT OG KLESSIR Á!!! ÓNEI SEISEI....JEIJEIJEI...hlakka til að sjá Harry, Ingþór ætlar með..heldur að hann sé að fara á Harry og Heimi-the movie....hann hefur nefnilega verið að hlusta á gamlar upptökur með þeim síðustu daga....ég ætla ekki að segja honum sannleikann...ÞAÐ Á AÐ FARA AÐ BYGGJA HÚS Í NESKAUPSTAÐ...ÞAÐ FYRSTA Í 12 ÁR...mamma sagði mér fréttirnar í morgun..svo sá ég þær á MBL.IS..er það nú ekki sorglegt, að það fari á mbl.is þegar 1 hús er byggt í einhverju krummaskuði...Sýnir hvað Neskaupstaður byggist hratt og örugglega upp..Ætli það rísi fleiri hús á Rifi???hvað ætli hafi verið mörg hús rifin á 12 árum, hmmm...gaman væri að vita það....úff komin með skrifkrampa...Hugleiðing dagsins: ætli það yrði byggt annað hús á næstu 12 árum ef álverið kæmi....???

2002-11-20T16:43:00.000Z

Heheheh bloggið hennar Steinunnar er fyndið.....